Diadomingo anochi a drenta informe di un caso di hincamento na un cas na De Vuyst, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un problema cu lo a surgi riba caya unda un persona a reclama un otro cu e ta core malo. E agressor no a keda contento cu esey y a sigui e auto te na De Vuyst unda e agressor a baha for di e auto drenta e cas y propina e victima un hinca cu cuchiu. Polis a detene en total 3 persona mientras ambulans a atende e victima.