Diahuebs madruga a drenta informe di cu tin un homber burachi cu a bay haci fastioso na un cas na Kibaima, mesora a dirigi patruya na e sitio. Na yegada di e patruya a bin compronde cu e homber bao influencia a bin na cas di su ex-pareha y tabata haci fastioso. Polis a purba papia cu e homber pa e bandona e sitio y bay su cas pa e descansa, pero e homber no kier a haci caso di e polis. No a keda nada otro cu detene pa e no sigi molestia.
