Diabierna mainta a drenta informe di un accidente cu hende herida pariba dine rotonde Balashi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un hoben chauffeur di un Ford Edge no a regula su velocidad ni a mantene distancia a bay dal tras di un Chevrolet Spark. E impacto a manda e dama di edad sinta patras dal su cabes na e sienta y tabata keha di hopi dolor di cabes. Na yegada di e ambulans nan a atende e victima y a transporte pa hospital.