Diasabra mainta un patruya yegando warda di polis Oranjestad a ser para pa algun persona indicando cu lo tin un cas na candela na Zuidstraat, mesora nan a solicita pa bomberonan cu urgencia y nan a bay na e sitio. Yegando na e sitio a bin constata cu aki ta trata di un cas cu nan a parti den tres y a bira tres apartamento cu tres diferente huurdo. Na yegada di bombero mesora a inicia cu un combate y a logra domina full e candela. Pa a paga e candela henter e completo di apartamento a sufri daño, sea di e candela, huma y/of awa. E parti cu a kima ta unda un mama cu su 2 yiunan teenager so ta biba.
