Diadomingo mainta a drenta informe di un situacion unda cu un persona kedando na un centro di rehabilitacion na Mahuma kier bandona e sitio pero e protocolnan di e centro no ta permiti esey, mesora a dirigi un patruya na e sitio. Yegando na e sitio polis a mira cu ya e persona adicto ta bayendo for di e sitio den un vehiculo cora. Polis a para esaki y a duna e chauffeur instruccion pa bay bek na e centro unda lo atende e situacion. Nan a regresa na e centro y eynan a intermedia den e asunto unda cu di un banda e protocol ta bisa algo pero e ley tambe ta bisa otro pero mirando e locual ta miho a sobresali cual ta su mesun bon ta pa e keda y rehabilita completo.