Diamars mainta a drenta informe di un accidente cu hende herida na e rotonde Tanki Leendert, mesora a dirigi tanto polis como ambulans na e sitio. Na yegada di e poatruya a bin compronde cu un chauffeur burachi coriendo un Toyota Passo a bini cu hopi velocidad dal tras di e MG lagando e chauffeur herida y a bandona e sitio. E chauffeur di e MG tabata keha di hopi dolor na su nek. Na yegada di e ambulans nan a atende e victima na e sitio mes y a consehe pa e bay su dokter di cas pa e dolor ricibi. Polis cu a haya number di e auto a keda di bay busca e chauffeur irresponsabel aki.