Diadomingo anochi a drenta informe di cu tin un chauffeur ta core zig zag riba e caminda di Paradera pa rotonde Paperclip, mesora a dirigi patruyanan pa bay intercepte prome cu e ocasiona un accidente. Ta te na altura di Hua Run Supermarket patruyanan a logra par’e pabao di caminda. Polis a nota cu e chauffeur ta burachi y a detene. Ora polis a wak bon den e auto a haya 2 mucha chikito sinta patras den e auto. Na yegada di e vehiculo di transporte a hiba e chauffeur pa warda di polis mientras e patruya a bay hiba e muchanan na nan cas.