Diabierna anochi a drenta informe di cu tin un dama cu no ta reacciona na Sero Blanco, mesora a dirigi tanto polis como ambulans na e sitio. Na yegada di e patruya ya tabata tin 2 ambulans caba na e sitio y tabata cla pa hiba e dama pa hospital. Segun e personal di ambulans na polis e dama a logra reacciona pero no manera mester ta y cu e lo ta intoxica cu algo. Na e sitio un persona a bisa cu ta alcohol ela bebe pa tur seguridad polis a avisa e investigadornan tecnico y forensyco pa saca afor kiko e dama lo a ingeri of mescla. Ambulans a hiba e dama pa hospital.