Diamars atardi a drenta informe di un accidente banda di e rotonde Pos Chikito, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda e auto a keda memey caminda mientras e otro a bay y esaki tabata causa un stagnacion den trafico. Polis a pidi ayudo di un otro patruya pa dirigi e trafico mientras ta atende e accidente. Afortunadamente ningun hende a resulta herida.
