Ultimamente tin un pareha hoben cu casi tur dia ta pleita y tin maltrato pero e mucha muher menor di edad mes no kier entrega keho, ni kier termina e relacion. Diabierna anochi un familiar a bin descubri e dialnti y den e cas tin hopi sanger basha rond indicando cu un maltrato serio a tuma lugar na e adres ey. Mesora a bati alarma y a avisa polis varios patruya a presenta na e cas na Playa Pabao. Ora polis a yega a nota cu di berdad tin hopi sanger plama rond y a bati na porta di e camber como tambe yama e mucha na su celular pero sin contesta. Mirando e situacion polis a haya mihor yama e investigadornan tecnico y forensyco pa bini y tuma imagennan di e situacion. Un rato despues e mucha muher a yega cu un herida pero no kier a comenta nada otro cu esey ta di oranan di merdia. Un familiar a keda di bay hib’e hospital.