Oranjestad — E Sistema di Alarma pa Aruba, un iniciativa di colaboracion entre Crisis Management Office Aruba, RESEMDID, Union Europeo, y Expertise France ta logrando avance remarcabel riba nan meta di mehora e preparacion y responde na cualkier desaster riba e isla. Cu un fecha operacional plania pa Maart 2024, e proyecto ta ariba bon caminda pa entrega un sistema di Alarma di tecnologia avansa.

Augustus 2023 a marca un luna crucial pa e Sistema di Alarma pa Aruba, cu varios logronan importante:

Studionan di necesidad pa e rapport di demografia y risiconan di Aruba:

Na Augustus, e proyecto a ehecuta un estudio amplio di necesidad pa e rapport di Baseline, cual ta un rapport cu ta tocante e demografia y risiconan di Aruba actualisa.

E paso critico aki den desaroyo di e proyecto tabata pa identifica e rekisitonan specifico y retonan cu mester wordo atendi pa construi un sistema di Alarma robusto pa Aruba. E proceso di evaluacion awor ta wardando e rapport final, cu lo duna conocemento valioso pa progreso den futuro proyectonan.

 

Studio di optimalisacion:

Un otro estudio esencial cu a conduci durante Augustus tabata e Estudio di optimalisacion.

E estudio aki a enfoca riba instalacion y operashonalisashon di un sistema basa riba Protocol di Alerta Commun (CAP) i e identificacion di luga adecuado pa instalacion di sirenanan y instalacionnan activa pa voz. E hallazgonan for di e estudio aki lo hunga un papel central pa sigura eficiencia y efectividad di e sistema.

 

E siguiente reto importante di CMO pa e Sistema di Alarma pa Aruba ta e preparacion di e bestek pa Hardware y Ekipo pa e sistema di Alerta di voz/Publico (VA/PA). E dia di bid aki ta plania pa 1 di October 2023, y esaki ta representa un oportunidad pa companianan local y internacional participa den e proyecto door di suministra e hardware y ekipo esencial.

 

E Sistema di Alarma pa Aruba ta compromete na stimula participacion local y cooperacion durante e desaroyo. Door di envolve companianan local den e proceso di adkisicion, e proyecto tin como meta crea un infrastructura di alarma robusto i sostenibel cu ta beneficia tanto e habitantenan como negoshinan riba e isla.

 

E desaroyonan recien aki ta demostra e dedicacion di CMO pa progreso conhunto cu tur partnernan involucra . E Sistema di Alarma pa Aruba lo continua traha sin descansa pa mehora resistencia na desaster y sigura e siguridad y bienestar di comunidad Arubiano.

 

E proyecto innovativo i actual aki di Oficina di Maneho di Crisis Aruba, cu ta ricibi sosten for di RESEMBID, financia pa Union Europeo y implementa pa Expertise France ta dedica na mehoramento di siguridad y resistencia di comunidad Arubiano

 

Eurico(Rino)Hermans

Director

CRISIS MANAGEMENT OFFICE ARUBA

Tel: 5880100

Wayaca 33-e

Oranjestad

Aruba