Nos a drenta den e ultimo siman di e campaña pa yenaformulario di Impuesto 2022. Lider di MEP Evelyn Wever-Croes, den nomber di Partido MEP ta invita tur ciudadano cu ainda tin mester di ayudo pa yena nan formulario di Impuesto2022, pa tuma contacto cu Partido pa asina traha un cita pa yena nan formulario di Impuesto. Partido MEP ya pa 14 añaconsecutivo ta yuda nos ciudadanonan yena nan formulario di Inkomsten Belasting na CEDE di MEP.

ULTIMO SIMAN:

E ultimo siman aki, lo yena formulario di impuesto ribadiamars 12 di September, diahuebs 14 di September, mainta di 9:00 – 12:00, y atardi di 6:00 – 9:00. Diasabra dia 16 di September for di 9:00 di mainta pa 1:00 di atardi.

NO MESTER HACI CITA:

Durante e ultimo siman aki, no mester haci cita pa wordoatendi. Yega CEDE di MEP den e orarionan menciona y warda abo turno. Partido MEP ta desea y spera di yuda mas tanto ciudadano posibel durante e dianan aki.

DOCUMENTONAN:

Pa por yena e formulario ta importante pa bo tin comprobantey documentonan necesario entre esakinan ta: Loonopgaaf2022 SVB, Loonopgaaf 2022 APFA, Loonopgaaf 2022 di Lago Annuity Foundation. Carta di interes di prestamo di banconan. Carta di interes y gastonan di hypotheek. Carta di interes di Credit Card. Finalmente si tin yiunan ta studia den exterior, mester inclui comprobante di inscripcion di e yiu nae scol den exterior. Ta importante pa menciona cu ningunformulario of documento ta keda atras na CEDE di MEP, pasobra ta trata di informacion confidencial, y no por core riesgo cu nan ta perde.

“Mi ta encurasha tur ciudadano di nos pais, cu ainda no a yenasu formulario di impuesto, pa contacta nos pa asina nos yudabo un biaha mas. Manera semper mi ta recorda ciudadanonan, paga impuesto ta deber di nos tur, pero no paga dimasimpuesto. Yena bo formulario y entreg’e na tempo”, Lider di MEP, Evelyn Wever-Croes a expresa.