Diaranson anochi a drenta informe di cu tin un candela di mondi grandi banda di Courtyard, mesora a dirigi varios patruya y unidadnan bomberil na e sitio. Polisnan a percura pa sera e camindanan rond y tambe evacua e huespednan di e hotel mientras bomberonan a enfoca pa combati e candela. Despues di un continuo combate directo bomberonan a logra vence e bataya y a paga e candela por completo.
