Diaranson atardi a drenta informe di un accidente cu hende herida na Tanki Leendert dilanti Stern. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un Mitsubishi Xpander pa un of otro motibo a bai otro banda di caminda dal un KIA na banda despues dal den un Toyota Corolla y pa finalisa dal den un cura di cas. Polis a hasi alco-test Pero e chauffeur di e Mitsubishi no tabata bao influencia y lo no por a splica dicon e auto nobo lo a bai otro banda di caminda. Na yegada di e ambulans nan a atende cu e victimanan.