Diadomingo mainta a drenta informe di un accidente cu hende herida na e subida di Ser’i Teishi, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di un Nissan March bayendo pariba pa un motibo of otro a hala na robes pasa over di e median y bolter bay cay riba e otro banda unda e trafico ta bay pabao. Debi na e impacto y boltermento e dama a resulta herida. Na yegada di e ambulans mesora a atende e dama y a transporte pa hospital.