Diasabra anochi a drenta informe di un pleito formal cu agresion na Moko, mesora a dirigi patruyanan na e adres. Na yegada di e patruyanan a bin descubri cu aki ta trata di e mesun pareha cu polisnan a atende un rato prome ta pleita banda di e club nocturno pero e biaha aki e homber a propina e dama 3 golpi mand’e vloer. Algun bisiña cu a mira loke a pasa a bay pa defende e dama y nan tambe a haya sla. Mirando e agresion polis a detene e homber pa a agredi su pareha y tambe e otronan cu a bin yuda e dama.