Diaranzon merdia a drenta informe cu banda di edificio di corte lo tin un persona herida y ta pidi pa ambulans, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit and run unda un persona handicapped ser alcanza pa un auto. Ambulans na su yegada a atende e victima mientras a solicita un patruya di trafico pa sigui cu e investigacion. Na yegada di e specialista di trafico a logra saca afor cu aki ta trata di un accidente intencional y cu ta trabao pa recherche. Polis a notifica e victima pa e bay na warda di Santa Cruz pa entrega keho. E victima a alega cu e ta cana cu kruk y awor cu e golpi aki e no por. Polis a ofrece hib’e na warda di Oranjestad pero e victima no ta desea ni pa emtrega keho mes mas.
