Willemstad, 23 di yüni, 2023 – The Triangle Curaçao ta organisá dos aktividat lokal físiko den
Hoogstraat na Otrobanda, den kuadro di Siman di Investigashon Karibense 2023 (DCRW)
organisá pa NWO, ku lo tuma lugá di 26 pa 30 di yüni próksimo i ku por sigui online.
Djamars, 27 di yüni di 12or i 30 di mèrdia pa 1or i 30
di atardi, lo tin un charla estilo
Konosementu durante lunch
(Knowledge over Lunch)
ku komo tema “The Dutch Caribbean
Researcher as Niche Player”. (E investigadó karibense hulandes komo hungadó niche).
Durante e seshon aki, Dr. Margo Groenewoud lo kompartí kon el a
amplia su área di
investigashon for di Reino komo tereno di hunga pa Amérika. E lo kompartí su
eksperensianan komo Bekario den Residensia (Scholar-in-Residence) di Fulbright na CUNY
City College na New York i e lèsnan ku el a siña durante e trayektorio akí.
Djabièrnè, 30 di yüni di 50r di atardi pa 7or di anochi, lo tin un aktividat pa formashon di ret
di kontakto (networking): un Ratu Kontentu di Science Café. Akinan, partisipantenan na
DCRW i personanan interesá den investigashon lo por sera e siman i sigui papia riba loke
nan a sigui online.
Tur dos evento ta grátis i lo tuma lugá na The Triangle Curaçao, Hoogstraat 18-22 na
Otrobanda. Registrashon ta posibel via www.fb.com/coWorldCuracao. Banda di esei, lo
organisá aktividatnan físiko riba e otro islanan tambe, manera Terramar Museum na Boneiru
i University of St. Martin.
