Dialuna mainta a drenta informe di un accidente cu hende herida na Sero Biento, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di un Suzuki a bay subi e cruzada “T” pero no a logra mira e pick-up ta bini y nan a dal den otro te kibra e glas di e bentana di e porta patras banda robes di e auto unda 2 mucha tabata sinta. Door di e impacto e muchanan lo a dal riba otro y a resulta levemente herida. Na yegada di e ambulans a revisa e muchanan na e sitio mes.