Dialuna mainta durante patruya polisnan atento pasando na Palm Beach a descubri un candela y mesora a bay wak unda exactamente esaki tabata y a bin descubri cu ademas di e candela kabel di Elmar pega banda di e palo di lus como tambe tubo di awa di W.E.B. a ser destrui pa e candela y tabata spuit. Pesey nan a pidi presencia di bombero cu urgencia. Na yegada di e bomberonan mesora a combati y domina e candela cu tabata expandiendo rapidamente. Na yegada di Elmar y W.E.B. nan a atende cu e problematica aki.