Dialuna anochi a drenta informe di un accidente cu hende herida na Sabana Basora, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un auto Honda RHD a slip riba e caminda muha perde control baha caminda dal un Toyota Yaris staciona pusha e Yaris aki bay dal un otro Yaris tambe staciona mientras e Honda mes a bay dal riba pilar di un muraya di cas. Debi na e fuerte impacto e dama chauffeur a resulta herida. Na yegada di e ambulans nan a atende e victima.