Diasabra atardi a drenta informe di un accidente cu hende herida na e Turbo Rotonde na L.G. Smith blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur sin rijbewijs coriendo un Suzuki Vitara a subi e rotonde bay dal un Lexus RX350 den banda drechi patras. Debi na e fuerte impacto un dama na estado den e Lexus a resulta herida, na yegada di e ambulans nan a atende e dama y transporte pa hospital pa un control mas extenso. Polis a scual e chauffeur sin rijbewijs y a dun’e un boet.