Diamars madruga a drenta informe di cu un auto lo a dal palo di lus y a sigui core bay na Calabas, mesora a dirigi un patruya na e sitio. Na yegada di e patruya a bin encontra cu Elmar caba na e sitio cu a declara cu un auto a dal e palo di lus y un waya di un fase a cay y coriente a bay algun caminda pero no a bay full. Den e cercania a bin haya un bumper cu plachi number cual ta cuadra cu e accidente un rato promer na Paradera unda a haya falta di e bumper dilanti, polis a core bay bek Paradera unda a topa e chauffeur y a pone supla y a bin resulta cu e ta bao influencia y a detene.