Dialuna atardi a drenta informe di un accidente cu hende herida na e crusada dilanti di Bubali Commercial Center, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan March biniendo cu velocidad halto a perde control a bay dal riba un mata di kwihi. E impacto tabata fuerte pero asina mes e chauffeur a baha for di e auto y a sak den otro. Na yegada di e ambulans nan a atende e victima y a transporte pa hospital.