Dialuna madruga a drenta informe di un incidente cu hende herida na Sero Patrishi, mesora a dirigi tanto polis como ambulans na e sitio. Na yegada di e patruya a bin topa cu ambulans caba na e sitio atendiendo un motociclista cu lo a baha caminda na man drechi bay dal riba un palo di lus y dal abao. E personal di ambulans a atende e victima y a transporte cu urgencia pa hospital pa e golpinan ricibi na su cabes.
