Diahuebs mainta despues di cu tur e patruyanan riba caya a ser avisa cu lo tin un UTV Honda Pioneer cu front berde y body preto basta nobo cu lo a ser horta for di banda di waf y su number ta V2573. Un rato despues un unidad di recherche distrito 4 (Santa Cruz) a nota esaki pasando den Franse Pas rumbo pa Sabana Basora. Tabata tin 2 persona cual un di nan ta un conosido adicto ambulante y un otro persona mas.  Mesora nan a avisa e central di polis cu a manda patruyanan den cercania pa bay asisti nan colega, mientras e rechercheurnan cu tabata den auto normal a pita dunando esnan den e UTV pa para y a logra para e UTV eynan e patruya di Santa Cruz cual tabata esun di mas cerca a yega y a detene ambos sospechoso. Mientras a confisca e vehiculo UTV pa mas investigacion.