Diamars anochi a drenta informe di un accidente cu hende herida na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu un chauffeur a bay bira na man drechi pero no a tene cuenta cu un ciclista na banda drechi y a dal esaki bente abao. Debi na e caida e ciclista a haya basta sla, na yegada di e ambulans nan a atende y a transporte pa hospital.
