Manera nos a bin ta informando polis ta hisando e nivel y cantidad di control riba autonan riba caminda, diabierna anochi no tabata un excepcion ya cu varios auto a ser para y controla. E brigada motorisa tambe a tene control riba velocidad unda a parti varios boet. Pero patruyanan di Noord tambe a para auto y pa un di e autonan cu nan a controla tanto e chauffeur como pasaheronan a keda NA PIA! Pasobra polis a confisca e auto y a hib’e na warda di polis na Shaba unda eynan e chauffeur lo mester presenta cu e papelnan regla y cu e boet paga pa e violacion den ley di trafico y 25 Florin adicional pa cada dia cu e auto a keda den e cura di warda di polis.