Diamars merdia a drenta informe di un accidente cu hende herida dilanti Reality Supermarket na Catiri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur bao influencia di alcohol coriendo un BYD F0 a bay subi e crusada pero no a duna preferencia na e pick-up cu tabata bini di nort y e pick-up a dal e BYD mande bay dal riba e palo di lus. Debi na e impacto e chauffeur di e BYD a resulta herida, na yegada di e ambulans nan a  atende na e sitio mes. Polis a pone e chauffeur supla y esaki a surpasa e limite permiti. Polis a detene e chauffeur.