Diasabra mainta a drenta informe di un accidente cu hende herida na e rotonde pa bay Jaburibari, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Suzuki Liana no a regula su velocidad ni a mantene distancia a bay dal tras di e Chevrolet Spark cu tabata su dilanti. Debi na e impacto e dama chauffeur di e Spark tabata keha di dolor na su lomba y nek. Na yegada di e ambulans nan a atende e victima na e sitio mes. E chauffeur di e Liana a admiti di a dal algun drinks pero no hopi. Ademas e chauffeur no a ripara cu su seguro a caduca 13 di January 2023 pero seguronan ta duna e espacio di un luna adicional pa segura e auto atrobe. Pero pa mas seguridad den trafico polis a confisca e vehiculo.