Diabierna net prome cu mey anochi a drenta informe di un accidente hopi serio na Gasparito, mesora a dirigi tanto polis ambulans como tambe e equipo di rescate di bombero. Na yegada di e patruya a bin compronde cu velocidad halto a pone e chauffeur cu tabata bayendo nort cu e Mitsubishi A-21001 a perde control net den e birada pasando Bucanneer. A baha caminda na man drechi pasa parcialmente door di dos tronkon di mata di kwihi y keda pega manera ta un avion a baha di emergencia. Polis a constata cu tin dos herido y ambos tabata pega den e auto. Ekipo di rescate a yega na e sitio. A cuminsa na corta e porta di chauffeur pa libera e chauffeur herida. Djey a corta dak etc pa asina saca e di dos victima pega bou dashboard. A dura un poco pero den forma tactico y profesional a logra libera e victima pasahero cu tabata pega. A hiba ambos pa Hospital. Polis di trafico a presenta pa asina nan haci investigacion.
