Diabierna mainta a drenta informe di un accidente cu hende herida den Bernhardstraat, mesora a dirigi tanto polis como ambulans na e sitio. Na yegada di patruya na e sitio a bin compronde cu aki chauffeur di un Isuzu Dmax di huur bayendo pabao a bay dal den un van bayendo pariba. E impacto fuerte a causa hopi danjo material y a herida 2 ocupante di e van. E chauffeur di e pick-up tabata bou influencia y a keda deteni pa polis. Tabata ta trata aki di un militar di kamp y marechaussee a keda pidi na e sitio pa atende cu e caso aki. Ambulans a yega na e sitio y a atende cu e dos personanan herida. Vehiculo di transporte a keda pidi na e sitio pa transporta e detenido pa warda di polis.