2022 DEN COMPARACION CU 2019

Oficina di Turismo, A.T.A., ta informa cu pa luna di november nos destinacion a ricibi un total di 90,796 bishitante “stay-over”. Si compara luna di november 2022 cu november 2019 – cu tabata e ultimo aña normal di turismo, por mira cu Aruba a recupera 101% di locual a wordo ricibi na november 2019. 

E tres mercadonan cu mas a destaca den e cantidad di turista cu a bishita na november 2022 como tambe den grado di recuperacion den e diferente regionnan ta; Estados Unidos cu 68,314 bishitante cu tarepresenta un grado di recuperacion di 102% den comparacion cunovember 2019, Hulanda cu 3,593 bishitante cu ta representa un grado di recuperacion di 89% den comparacion cu november 2019 y Colombia cu 2,913 bishitante cu ta representa un grado di recuperacion di 128% den comparacion cu november 2019.

2022 DEN COMPARACION CU 2021

2022 ta mustra un crecemento mas fuerte y stabil cu 2021.Si compara november 2022 cu november 2021 por wak un crecemento di 14% den cantidad di bishitantenan “stayover”, for di 79,870 bishitante pa90,796 bishitante.

MERCADONAN

Norte America ta keda e mercado mas fuerte pa Aruba y nanovember 2022 un total di 73,923 bishitante Norte Americano a bishita Aruba. Esaki ta 81.4% di e total di e bishitantenan “stayover”. Na november 2022, Europa a trece 6,895 bishitante pa Aruba, cu ta7.6% di e total di bishitantenan “stayover”. Un total di 7,233bishitante cu ta representa 8.0% di e bishitantenan “stayover” tabataprocedente di Latino America; y 3.0% di e total di bishitantenanstayover pa november 2022- cu ta 2,745 bishitante, a bishita nos isla for di otro partinan di mundo. 

2022

Den e prome 11 lunanan di 2022 Aruba a ricibi un total di 990,562bishitante “stayover”, cu ta representa un grado di recuperacion di 97% compara cu e mesun lunanan di 2019. Mester agrega cu den e prome 11 lunanan di 2022 e mercado di Estados Unidos a surpasa e cantidad di bishitante den e mesun periodo di 2019 cu 11,720bishitante.

TOURISM CREDITS / CENTRAL BANK OF ARUBA  

Di acuerdo cu Banco Central, observando e ‘Tourism Credits’ (anteriormente yama “Tourism Receipts”), por bisa cu den e prome y di dos kwartaal di 2022, turismo a contribui cu AWG 2,128 miyonden nos economia, esaki ta un recuperacion di 109% compara cu2019.