Diadomingo madruga a drenta informe di un accidente basta pisa na Ponton, mesora a dirigi tanto polis como ambulans na e sitio. Na yegada di e prome patruya a bin constata cu aki lo ta trata di un accidente basta pisa unda cu for di prome momento e personal di ambulans a nota caba cu un di e victimanan no ta duna señal di bida unda apidi pa un dokter presenta na e sitio tambe a pidi pa informa tur autoridadnan competente. Ademas a pidi pa e equipo di rescate di bombero presenta na e sitio pa asina habri e auto pa por saca e victimanan. Pa 2:40 di madruga Dr. Texier a constata morto di e victima na Ponton. Nos lo sigui informa…..

—-Cuerpo Policial Ta Informa—-

Di 11 morto den trafico riba caminda di Ponton.

Diadomingo madruga pa mas o menos 02:05 central di polis ta wordo notifica di un accidente frontal entre dos auto na altura di All To Car na Ponton.

Na yegada di patruya di polis ta bin encontra cu un accidente basta fuerte entre un Susuki Baleño blanco A-32334 y un pick-up Toyota Tacoma shinishi A-3851.

E chauffeur di e Susuki Baleño Blanco tabata mustra hopi grave y a pido ambulance cu maximo urgencia. A pidi materialwagen di Brandweer mirando cu e chauffeur di e Susuki Baleño tabata pega den e auto.
Ambulance ta yega na e sitio di e sucedido pero lamentablemente no por a haci nada mas pa e chauffeur.

Pa 2:40 dr Texier ta constata morto di Domingo Encarnacion Heredia naci 28-01-1977 (45 aña) na Republica Dominicana.

Polis di trafico a presenta na e sitio como tambe polis technico y a tuma e investigacion pa determina exactamente kiko por a pasa.

Slachtofferhulp a presenta pa asina guia e famia den e momento dificil aki.

E chauffeur di e Toyota Tacoma a wordo transporta pa hospital .y su situacion ta stabiel.

Cuerpo Policial ta manda palabra di condolencia na famia di e fayecido.