Un chauffeur bebi a caba di trip y a subi su auto. Tabata 5:40 AM diahuebs madruga cu Polis a topa cu e chauffeur saliendo di zuid den verboden den Weststraat. E tabata den un nightclub un rato prome ta bebe. Ora el a subi su auto bay den verboden a topa cu Polis. Polis a pidie pa supla durante e control. Logicamente despues di un bebemento e test ta sali malo pa e chauffeur. A detene pero a dura casi dos minuut pa por a logra pone na boei. E chauffeur a resisti su detencion formalmente. E polisnan a lucha un rato pa por a pone na boei. Durante pasco tin basta bebemento. Esey no ta problema. E problema ta cu bo ta subi auto bebi y esey ta contra ley. Mescos cu e chauffeur aki tin mas chauffeur cu tambe a keda deteni durante e dianan aki. E diferencia ta cu nan a copera despues di supla y bay warda trankil. Den e caso aki e chauffeur aki a resisti pero na final e Polisnan a gana e bataya den menos cu dos minuut.
