Diasabra atardi a drenta informe di un accidente na e crusada di Van Leeuwenhoekstraat cu Caya Ing. Roland H. Lacle, mesora a dirigi patruya na e sitio.
Na yegada di patruya na e sitio a bin compronde cu aki chuaffeur di un Toyota Yaris bayendo nort no a duna preferencia na un Hyundai Accent payendo pabao riba caminda di preferencia y a dal den banda di esaki.
E impacto tabata fuerte y a manda e Hyundai Accent bira 180 grado. Afortunadamente ningun persona a resulta herida den e accidente aki.
E danjo material tabata basta y a hasi cu e Hyundai Accent no por a core mas. Polis a tuma datos di e accidente aki.