Dialuna madruga a drenta informe di un accidente cu hende herida riba e caminda entre rotondenan Balashi y Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Corolla cu a pega soño tras di stuur bayendo cas despues di trabao y a bay dal den banda di e median y a bolter. Debi na e impacto e chauffeur a resulta herida. Na yegada di e ambulans nan a atende e victima y a transporte pa hospital.