Diasabra anochi patruya atento riba caya den area di Ponton a tuma nota di un scooter cu 2 hoben riba dje cu number bieuw, mesora a bay pa para esaki pa controle. E hobennan riba e scooter a core pa polis y un persecushon a cuminsa. Polisnan a purba di para e hobennan y esaki a pone e scooter dal den e patruya causando un accidente. E dos hobennan a keda deteni pa core pa polis y tambe pa tabata core scooter sin papel y cu number bieuw. E scooter a keda confisca y hiba warda di polis. Vehiculo di transporte tambe a bini na e sitio pa asina por a transporta e 2 detenidonan pa warda di polis.