Dialuna madruga a drenta informe di un accidente panort di Yami Yami na Bubali, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur kende tabata core auto bao influencia y a ocasiona un accidente. E chauffeur aki di e Honda SUV cu tabata ser maneha pa chauffeur bebi cu a “brake” y slip bay dal riba un RHD cu tabata para riba caminda di santo pa subi caminda. Esey no tabata tur ya cu e chauffeur aki tabata tin boca grandi ora di a detene y kier a duna informacion falso na polis ela bisa cu ta e RHD a sali su dilanti. Pero e “spoornan” a mustra diferente. E chauffeur di e Honda a surpasa su limite ora cu Polis a pone supla. Na momento cu Polis a bay controla den e auto, a haya holo di marihuana. A sigui cu e busca den e auto y a bin haya cantidad di marihuana y cocaina den e auto. Mesora a confisca e auto y logicamente e droga tambe pa mas investigacion riba e caso.
