ORANJESTAD – Durante su rueda di prensa di diamarsultimo unda cu e mandatario a anuncia otro reduccion di e aumento di awa y coriente, na mes momento e titular di energia a expresa di lo ta proximamente reuniendo cu Gobierno Mericano riba tereno di Energia pero muy enespecial cu OFAC, Office of Foreign Assets Control, pa Aruba por haya e licencia pa por cumpra HFO for di Venezuela pa un periodo di 2 aña y mey te ora cu e proyecto di EAGLE LNG ta cla pa por cuminsasuministra gas natural na WEB.

 

E meta di e peticion aki ta pa mientras tanto cu tin tanto incertidumbre riba loke ta e prijs di crudo pa motibo di diverso factornan, pa toch por cumpra HFO for di Venezuela na un tarifa preferencial cu lo ser transmitiden un reduccion substancial di tarifa di awa y corientepa nos pueblo.

 

Tin islanan den Caribe ta cumprando HFO di origenVenezolano hopi mas barata cu locual ta paga awo. Pueslo haci e peticion aki den interes di e pueblo di Aruba, di Aruba su economia, y den interes pa baha prijs di awa y coriente, pa permiti pa cumpra HFO di origenVenezolano y asina baha prijs di awa y coriente.

Minister Croes a conclui expresando cu e tin speransa cu esfuersonan den e tereno aki ta bay contribui na e totalidad, pa yuda yega na e momento pa baha prjis di awa y coriente pa henter comunidad di Aruba.