ARUBA A RICIBI 101,526 BISHITANTE “STAYOVER” NA JUNI 2022
2022 DEN COMPARACION CU 2019
Oficina di Turismo, A.T.A., ta informa cu pa luna di juni nos destinacion a ricibi un total di 101,526 bishitante “stay-over”. Si compara luna di juni 2022 cu juni 2019 – cu tabata e ultimo aña normal di turismo, por mira cu Aruba a recupera 103% di locual a wordo ricibi na juni 2019.
E tres mercadonan cu mas a destaca den e cantidad di turista cu a bishita na juni 2022 como tambe den grado di recuperacion den e diferente regionnan ta; Estados Unidos cu 82,070 bishitante cu tarepresenta un grado di recuperacion di 106% den comparacion cujuni 2019, Hulanda cu 3,203 bishitante cu ta representa un grado di recuperacion di 109% den comparacion cu juni 2019 y Colombia cu3,802 bishitante cu ta representa un grado di recuperacion di 83% den comparacion cu juni 2019.
2022 DEN COMPARACION CU 2021
2022 ta mustra un crecemento mas fuerte y stabil cu 2021.Si compara juni 2022 cu juni 2021 por wak cu crecemento di 20% den cantidad di bishitantenan “stayover”, for di 84,592 bishitante pa 101,526bishitante.
Si compara juni 2022 cu juni 2021 por wak un biaha mas cu e 3 mercadonan den e diferente regionnan cu mas a crece den cantidad di bishitante stayover ta; Estados Unidos cu un crecemento di 6,343bishitante “stayover” cu ta representa un crecemento di 8%, Hulandacu un crecemento di 521 bishitante “stayover” cu ta representa un crecemento di 19% y Colombia cu un crecemento di 1,730 bishitante“stayover” cu ta representa un crecemento di 84%.
MERCADONAN
Norte America ta keda e mercado mas fuerte pa Aruba y na juni 2022 un total di 83,943 bishitante Norte Americano a bishita Aruba. Esakita 82.7% di e total di e bishitantenan “stayover”. Na juni 2022, Europa a trece 7,414 bishitante pa Aruba, cu ta 7.3% di e total di bishitantenan “stayover”. Un total di 8,122 bishitante cu ta representa 8% di e bishitantenan “stayover” tabata procedente di Latino America; y 2% di e total di bishitantenan stayover pa juni 2022- cu ta2,047 bishitante, a bishita nos isla for di otro partinan di mundo.
2022
E prome 6 lunanan di 2022 Aruba a ricibi un total di 528,325bishitante “stayover”, cu ta representa un grado di recuperacion di 92% compara cu e mesun lunanan di 2019.
TOURISM CREDITS / CENTRAL BANK OF ARUBA
Di acuerdo cu Banco Central e asina yama ‘Tourism Credits’ (anteriormente yama “Tourism Receipts”) pa aña 2021 a contribui cuAWG 3,169.9 miyon den nos economia, cu ta 65.5% mas compara cue mesun temporada na 2020. Esaki naturalmente ta debi na e pandemia global di Covid-19 durante cual Aruba tambe a cera su fronteranan temporalmente entre mita di juni 2020 te cu juli2020. Tourism Credits a recupera cu 85% si compara 2021 cu 2019.
