Diasabra marduga a drenta informe di un yamada for di exterior cu un dama kedando den hotel lo mester ta pasando den un caso di maltrato, mesora a dirigi patruya na e sitio. Na yegada di e patruya na e hotel a bin compronde cu aki e dama ta desea asistencia di ambulans. Na yegada di ambulans na e sitio e dama a nenga asistencia di nan. Polis a sigui intermedia y dado momento e dama turista canando den e parkinglot lo a cay y herida su rudia. A pone e dama den un rolstoel y a pidi asistencia di ambulans atrobe na e sitio. E dama lo a keda atendi pa ambulans y transporta pa hospital tambe pa ricibi tratamento. Polis a tuma datos di e incidente aki y a avisa na esnan den exterior cu e situashon ta bou control.