Diadomingo madruga a drenta informe di un accidente na Madiki y cu lo tin hende herida, mesora a dirigi un patruya na e sitio. Na yegada di e patruya a tuma nota di cu tin un palo di lus kibra y wayanan di coriente benta abao y wayanan tabata colga hopi abao di un banda pa e otro banda di caminda polis a ripara cu tabata tin algun auto para banda di caminda y esakinan a sufri daño door di e waya colgando hopi abao. E vehiculo mes cual e chauffeur lo mester a tabata burachi pa a core asina malo y kibra e palo di lus y bandona e sitio. Pa mala suerte dibe chauffeur un plachi number DT1264 a keda atras cu algun otro parti y polis a confisca. Na e sitio no por a encontra cu ningun hende herida. A yama Elmar pa asina bin drecha e coriente. Awor e polisnan di trafico a keda encarga pa busca e truck ey y su chauffeur pa responde pa e accidente cu ela ocasiona.