Diabierna anochi a drenta informe di un accidente entre un S.U.V. y un brommer poco pariba di rotonde Cumana, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki un S.U.V. a bira dilanti un brommer sin duna esaki preferencia. Aki e motorcyclista lo apurba desvia pa e vehiculo pero a cay y bay dal den esaki. Un pasahero riba e motorcycle a resulta herida y tabata keha di dolor. Ambulans a presenta na e sitio y a atende e persona herida y a transporte pa hospital pa tratamento. B.F.T.O. di polis tambe a keda rekeri na e sitio pa asina por a saka afo con exactamente e accidente aki a tuma lugar. Por a tuma nota na e sitio cu e brommer a lastra basta prome cu a dal den e S.U.V. cu lo a hasi un bocht cortico sin duna preferencia.