Diasabra anochi a drenta informe di un accidente cu hende herida net panort si e rotonde Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Hyundai Tucson a para pa duna preferencia na e Honda City pero e Daihatsu Terios cu tabata tras di e Tucson mand’e bay dal tras di e Honda. Debi na e impacto na e Honda e chauffeur di e Honda a resulta levemente herida. Na yegada di e ambulans nan a atende e chauffeur di e Honda y a nota cu e dama chauffeur di e Tucson tambe a resulta herida y a atende ambos na e sitio mes.