E Instituto Nacional di Espacionan Acuatico (INEA) di Venezuela a informa este diadomingo cu nan a ricibi na Puerto di La Guaira, den e centro di estado Vargas, 9 di e 16 naufragonan di e embarcacion Cetus, di procedencia africano, cu a drif 130 miya nautico na noordoost di Aruba.

Den e cuenta di Twitter di INEA nan a informa: “Recibimos en el Puerto de La Guaira al buque granelero Melba de bandera panameña que trajo 9 de los 16 náufragos de la embarcación Cetus que zozobró a 130 MN (millas naúticas) al noroeste de Aruba, en aguas de la zona económica exclusiva venezolana”.

E institucion venezolano a indica cu e accionnan di rescate y atencion na e naufragonan a ser ehecuta di manera conhunto cu e Comando di Guardacosta di e “Fuerza Armada Nacional Bolivariana” (FANB).

E organismo a indica cu entre e personanan rescata tabata tin 3 venezolano, 5 dominicano y un cubano, pa cual e accionnan di salvamento a ser atendi den coordinacion cu e consuladonan di Cuba y Republica Dominicano.

Di acuerdo cu e información suministra pa e servicio di wardacosta di Curazao na medionan local, e tanker Cetus, cu bandera di pais africano di Comoras, a drif den altamar diabierna ultimo y e gerente operativo di e embarcacion a logra alerta di ayudo di e wardacosta di Japon.