Diamars merdia a drenta informe di cu tin un auto sospechoso y e chauffeur cabes benta un banda pa mas di un ora para dilanti un cas na Papilon, mesora a dirigi un patruya na e sitio. Na yegada di e patruya a bin compronde cu e auto Nissan March a bay dal riba un container. Nos colaborador cu a yega un tiki prome cu e patruya a mira y a capta con na dado momento e chauffeur a bay grawata su cara y e auto a cuminsa bay dilanti te bay dal riba un container. Polis a bay controla e dama chauffeur y a pone supla cual a indica cu e dama ta bao influencia y a detene e dama pa a core auto bao influencia.