Diadomingo madruga a drenta informe di cu un auto lo a dal un palo di lus y e chauffeur kier core bay for di e sitio, mesora a dirigi un patruya na e sitio. Na yegada di e patruya a bin encontra e palo di lus kibra cu e plachi number A19226 pega na dje, algun cas sin coriente y tambe e spiel di un auto color “burgundi”. Ademas a nota marca di lekmento di azeta bayendo direccion pariba, siguiendo e marcanan aki a logra bin topa cu e auto cu a ocasiona e accidente aki y a confisca esaki. Takelwagen a presenta y a transporte pa warda di polis na Balashi.