Diabierna merdia a drenta informe di un accidente cu hende herida na e acostumbrado cruzada di Sero Pita, mesora a dirigi tanto polis y ambulans na e sitio. Na yegada di e patruya a bin compronde cu e dama chauffeur di e Ford Ecosport biniendo di zuid a bay bira na man robez net ora cu un Kia Picanto tabata bini di nort y nan a dal den otro. Debi na e impacto e dama chauffeur di e Ecosport a resulta herida. Na yegada di e ambulans nan a atende e dama victima.