Diamars mainta a drenta informe di un accidente unda cu lo a haya un auto hinka den mondi na Luxemburgstraat, mesora a dirigi un patruya na e sitio. Na yegada di e patruya a bin compronde cu aki ta trata di un Mitsubishi Attrage cu despues di a drift lo a perde control y a bay drenta mondi. Pero na e momentonan ey no tabata tin ningun hende den auto y e motor tabata frieuw indicando cu esaki probablemente lo a sosode den anochi pa madruga. Polis a tuma nota y a bay na e adres di e chauffeur pa wak kiko lo a pasa cun’e. E chauffeur tabata na cas y a bisa di lo tabata reglando un takelwagen pa hiba e auto su cas. Polis a laga e takelwagen regla cu e chauffeur pa asina hiba e auto for di e sitio.